გარდაბნის გამგებელმა გოჩა ჯამარაულმა 2016 წლის განმავლობაში მიღებული ხელფასი – 33 062 ლარი, – მთლიანად ქველმოქმედებაში დახარჯა. ამის შესახებ ინფორმაციას ავრცელებს საინფორმაციო ქსელების ცენტრი.
ბოლო ქონებრივი დეკლარაციის მიხედვით, გოჩა ჯამარაულმა გარდაბნის გამგებლის თანამდებობაზე 2016 წელს მიიღო 33 062 ლარის ოდენობით ანაზღაურება, რაც მთლიანად ქველმოქმედებაში დახარჯა.
გოჩა ჯამარაული გარდაბნის გამგებლის თანამდებობას 2016 წლის 16 თებერვლიდან იკავებს. წარსულში იგი ცნობილი ფეხბურთელი იყო, – სხვადასხვა დროს თამაშობდა თბილისის „დინამოში“, შვეიცარიის, რუსეთისა და უკრაინის საფეხბურთო კლუბებში.
კომენტარები