კახეთში მომხდარი ავარიისას დაშავებულთაგან ერთ-ერთი ამ დრომდე რეანიმაციაში რჩება, თუმცა მისი ჯანმრთელობის მდგომარეობა სტაბილურია.
დაშავებული 2 ადამიანი კი მკურნალობას გურჯაანის საავადმყოფოში გადის. მათ მოტეხილობები და სხეულის სხვადასხვა დაზიანებები აღენიშნებათ.
გურჯაანი-თბილისის ცენტრალურ მაგისტრალზე ერთმანეთს “მერსედესისა” და “ჟიგულის” მარკის ავტომანქანები შეეჯახა, რის შედეგადაც “ჟიგულის” მძღოლი, 48 წლის მამაკაცი ადგილზე გარდაიცვალა.
ავარიის დროს ასევე დაშავდა 3 მგზავრი, რომლებიც სასწრაფო სამედიცინო დახმარების ბრიგადებმა გურჯაანის რაიონულ საავადმყოფოში გადაიყვანეს. ავარიის მიზეზად, გადაჭარბებული სიჩქარე სახელდება.
კომენტარები