საფრანგეთის ქალაქ პერპინიაში მომხდარი უბედური შემთხვევის გამო საქართველოს პრემიერ-მინისტრი გიორგი კვირიკაშვილი დაღუპულთა ოჯახებს, ფრანგ ხალხსა და მთავრობას უსამძიმრებს.
„ღრმა მწუხარებას გამოვთქვამ საფრანგეთში, ქალაქ პერპინიანში მომხდარი უბედური შემთხვევის გამო, რასაც მსხვერპლი მოჰყვა, საუბედუროდ, მათ შორის ბავშვებიც არიან“, – განაცხადა საქართველოს პრემიერ-მინისტრმა.
„ვუსამძიმრებ დაღუპულების ოჯახებს, ფრანგ ხალხსა და მთავრობას. დაშავებულებს მალე გამოჯანმრთელებას ვუსურვებ. ქართველი ხალხი და მთავრობა მათ გვერდშია ამ დიდ განსაცდელში“, – ნათქვამია გიორგი კვირიკაშვილის მიმართვაში.
საფრანგეთის ქალაქ პერპინიაში მატარებელი და სკოლის ავტობუსი ერთმანეთს დაეჯახა. შემთხვევის შედეგად, ბოლო მონაცემებით, ოთხი მოზარდი დაიღუპა. დაშავებულთა რაოდენობა, ბოლო მონაცემებით, სულ მცირე, 11-ია.