„რეზოლუცია იქნება მკაცრი, რეზოლუცია ასახავს სიტუაციას ჩვენ ოკუპირებულ ტერიტორიებთან დაკავშირებით“, – ამის შესახებ ფრაქცია „ქართული ოცნების“ თავმჯდომარემ პარტიის ოფისში გამართული შეხვედრის დასრულების შემდეგ განაცხადა.
მამუკა მდინარაძის თქმით, მნიშვნელოვანია რეზოლუციაში დაფიქსირდეს რეალობა, რომელიც აფხაზეთსა და ცხინვალის რეგიონშია შექმნილი.
„პრემიერ–მინისტრის განცხადებაზე რუსეთის საგარეო უწყების პასუხი სწორედ იმ პოლიტიკის გაგრძელებაა, რომელსაც მრავალი წელია რუსეთი ახორციელებს. ასეთი პასუხით ოკუპირებულ ტერიტორიებზე ჩადენილი დანაშაულისგან გამიჯვნას ცდილობენ, რაც არ გამოუვათ, რადგან პასუხისმგებლობა იმაზე, რაც ცხინვალსა და აფხაზეთში ხდება, ოკუპანტ ქვეყანას ეკისრება“, – აღნიშნა მდინარაძემ ჟურნალისტებთან საუბრისას.
კომენტარები