17-მა ამერიკულმა შტატმა, მათ შორის ვაშინგტონმა, ნიუ-იორკმა და კალიფორნიამ და ასევე კოლუმბიის ოლქმა აშშ-ის პრეზიდენტის დონალდ ტრამპის ადმინისტრაციას, ამერიკა-მექსიკის საზღვარზე, არალეგალი მიგრანტების შვილებისა და მშობლების დაშორების გამო უჩივლა. ამის შესახებ CNBC-ი წერს.
ყველა შტატის გენერალური პროკურატურა დემოკრატები არიან. საჩივარი სიეტლის სასამართლოშია შეტანილი.
ბოლო კვირების განმავლობაში აშშ-ის ხელისუფლებამ მიგრანტებს 2300 ბავშვი ჩამოართვა. ზოგიერთ მიგრანტს თავისი შვილი თვეზე მეტია არ უნახავს.
მკაცრი საიმიგრაციო პოლიტიკა აშშ-ის 45-ე პრეზიდენტის, დონალდ ტრამპის წინასაარჩევნო დაპირება იყო. გაპრეზიდენტების შემდეგ მან დანაპირების რეალიზება სცადა და რამდენიმე განკარგულება გამოსცა, რომლითაც აშშ-ში შესვლას უზღუდავდა დიდწილად იმ მუსლიმური ქვეყნის მოქალაქეებს, რომლებსაც ქვეყნის უსაფრთხოებისთვის საფრთხედ მიიჩნევდა. თუმცა პრეზიდენტის გამოცემულ დოკუმენტებს ქვეყნის სასამართლო სისტემის სხვადასხვა საფეხურზე წინააღმდეგობა შეხვდა.