მომწამვლელი ნივთიერება „ნოვიჩოკი“, რომლითაც ბრიტანეთის ქალაქ ეიმს-ბერიში გასული თვის ბოლოს ორი ადამიანი მოიწამლა, სუნამოს ბოთლში იყო მოთავსებული.
ინფორმაცია ამის შესახებ ტელეკომპანია BBC-ს ერთ-ერთი დაზარალებულის, ჩარლი როულის ძმამ მიაწოდა. მისი თქმით, 45 წლის როულიმ სუნამო იპოვა და სახლში მიიტანა, რის შემდეგაც მისი მეგობარი ქალი შეუძლოდ გახდა.
გამოძიების მიერ მანამდე გავრცელებული ინფორმაციით, „ნოვიჩოკის“ წყარო მცირე ზომის კონტეინერი იყო, რომელიც როულის სახლში აღმოაჩინეს.
ახალი დეტალების შესახებ სკოტლანდ იარდს ოფიციალური კომენტარი ჯერ არ გაუკეთებია.
კომენტარები