რუსეთის პრეზიდენტმა დონალდ ტრამპს ფეხბურთის ბურთი აჩუქა. ჟურნალისტმა რუსეთის პრეზიდენტს სირიასთან დაკავშირებით დაუსვა შეკითხვა და აღნიშნა, რომ სირიის საკითხთან დაკავშირებით ბურთი რუსეთის მოედანზეა, რაზეც პუტინის პასუხი ასეთი იყო:
„მინდა ეს ბურთი აშშ-ის პრეზიდენტს გადავცე – ახლა ბურთი მის მხარეზეა, მით უმეტეს, რომ 2026 წელს ჩემპიონატი ამერიკის შეერთებულ შტატებში ტარდება“,- განაცხადა პუტინმა.
დონალდ ტრამპმა ვლადიმერ პუტინს მადლობა გადაუხადა და იმედი გამოთქვა, რომ აშშ-იც ისევე წარმატებით ჩაატარებს ჩემპიონატს, როგორც ეს რუსეთმა მოახერხა.
ტრამპმა აღნიშნა, რომ ბურთს უმცროს შვილს, ბარონს აჩუქებს და ბურთი შესანახად მეუღლეს ესროლა, რომელიც პრესკონფერენციის დროს პირველ რიგში იჯდა.
კომენტარები