ამერიკის შეერთებულ შტატებში, კერძოდ კი კალიფორნიაში ტყის ხანძრისას დაღუპულთა რაოდენობა გაიზარდა. ამის შესახებ BBC წერს.
ჯამში დაღუპულია სულ 3 მშვიდობიანი მოქალაქე და ორი მეხანძრე. ხანძარმა 70 წლის ბებიისა და მისი ორი შვილიშვილის სიცოცხლე იმსხვერპლა. ემილი რობერტსი 5 წლის იყო, ხოლო მისი ძმა ჯეიმსი ოთხის.
ამ დრომდე დაკარგულად ითვლება 17 ადამიანი.
შტატში არსებული საგანგებო ვითარების გამო ათასობით ადამიანმა საკუთარი სახლები დატოვა.
ხანძარმა სხვადასხვა დაწესებულების 500-ზე მეტი შენობა გაანადგურა. ცეცხლი აქამდე უსაფრთხოდ მყოფ შენობებსაც უახლოვდება. კალიფორნიის ტყეში 17 ათასზე მეტი ჰექტარია გადამწვარი. ხანძარი მძვინვარებს უტას შტატშიც.
ცეცხლის ჩაქრობას რამდენიმე ასეული მეხანძრე ცდილობს.
მანამდე ცნობილი გახდა, რომ კალიფორნიის პოლიციამ ცეცხლის განზრახ გაჩენის ფაქტზე ერთი ადამიანი დააკავა.