რუსეთში, ნიჟნი ნოვგოროდის ოლქის ტერიტორიაზე თაღლითობასა და ქრთამის აღებაში ეჭვმიტანილი რუსეთის მიერ ძებნილი პირი, ადგილობრივი მუნიციპალური საკრებულოს დეპუტატი ვლადიმერ გლუშკოვი საქართველოში დააკავეს, – ამის შესახებ რუსეთის საგამოძიებო კომიტეტის ნიჟნი ნოვგოროდის სამმართველო იუწყება.
„2018 წლის 2 აგვისტოს საგამოძიებო კომიტეტის მიერ ინტერპოლში გადაცემული მასალების საფუძველზე საქართველოს ტერიტორიაზე დააკავეს ვლადიმერ გლუშკოვი, რომელიც ქალაქ ბალახნაში ავტოსადგურის რეკონსტრუქციის დროს თაღლითობაში და ქრთამის აღებაში არის ბრალდებული“, – ნათქვამია უწყების განცხადებაში.
ამჟამად რუსეთის გენერალური პროკურატურა გლუშკოვის ექსტრადირებისა და რუსეთის ტერიტორიაზე პასუხისგებაში მიცემის საკითხებზე მუშაობს.
კომენტარები