ლონდონში, დიდ ბრიტანეთში საქართველოს საელჩოში გია ბუღაძის გამოფენა იმართებოდა, რა დროსაც შენობაში კაცი შეიჭრა, რომელიც ქართველი დამთვალიერებლის მიმართ აგრესიულად იყო განწყობილი. როგორც თვითმხილველი, თამარ კარელიძე Imedinews-თან იხსენებს, კაცი აგრესიულად მიმართავდა ქართველებს და პროვოკაციულად იქცეოდა. ის ინგლისურად საუბრობდა.
„ძალიან უცებ მოხდა ყველაფერი. საელჩოში შემოიჭრა ვიღაც ადამიანი. აღმოჩნდა, რომ ის იყო „სპუტნიკის“ წარმომადგენელი, რომელიც პროვოკატორია და ადრე, უკრაინელების მიერ მოწყობილ ღონისძიებაზეც ასე შევარდნილა. იქცეოდა გამომწვევად. იმდენად აგრესიულად იქცეოდა და იმდენად იწვევდა ხალხს, რომ ეტყობოდა, უნდოდა, ვინმეს დაერტყა. გვეუბნებოდა, რომ ნატოს ზომბები ვართ, რომ ჩვენ ის ხალხი ვართ, ვინც ოსეთი დაბომბა და ამბობდა, რომ ეზიზღება „ქართული ფაშიზმი“.თან, ამ ყველაფერს იღებდა. საელჩოდან დარეკეს პოლიციაში და ეს ადამიანი წაიყვანეს. ამავე ღონისძიებაზე იყო კიდევ ორი ადამიანი, რომლებმაც მას შემდეგ დაიწყეს სიტყვიერი შემოტევა, რაც პირველმა დაიწყო ხალხის გამოწვევა“ – თქვა თამარ კარელიძემ.
რადიო „თბილისმა“ ინცინდენტის ამსახველი ვედეოები გაავრცელა.