ავღანეთის დედაქალაქ ქაბულში, პრეზიდენტის სასახლის მახლობლად რამდენიმე რაკეტა ჩამოვარდა. ტელეარხ TOLOnews-ის ინფორმაციით, სარაკეტო დარტყმა ადგილობრივი დროით 09:00 საათზე დაიწყო, როდესაც ავღანეთის პრეზიდენტი აშრაფ ღანი ყურბან ბაირამის დღესასწაულთან დაკავშირებით სიტყვით გამოდიოდა.
გავრცელებული ინფორმაციით, რაკეტების სამიზნეს საპრეზიდენტო სასახლე წარმოადგენდა.
„არსებობენ ჯგუფები, რომლებიც ძალადობრივ ქმედებებს აგრძელებენ, თუმცა ავღანელი ხალხის განვითარებას ისინი ვერ შეაჩერებენ“, – განაცხადა ღანიმ სარაკეტო დარტყმების კომენტირებისას.
თავდასხმაზე პასუხისმგებლობა ჯერჯერობით ავღანეთში მოქმედ არც ერთ ტერორისტულ ან რადიკალურ დაჯგუფებას არ აუღია. მსხვერპლის შესახებ ინფორმაცია ამ ეტაპზე არ ვრცელდება.
კომენტარები