კრის ფარმენი
პეტა ფრემტონი
1978 წელს 25 წლის ბრიტანელი ექიმი კრის ფარმერი და მისი შეყვარებული პეტა ფრემპტონი, ცენტრალურ ამერიკაში გაემგზავრნენ. როგორც BBC წერს, ისინი რეგულარულად აგზავნიდნენ წერილებს ოჯახის წევრებთან. ამ წერილებით ცნობილი ხდება, რომ ახალგაზრდებმა გაიცნეს ამერიკელი კაცი და მისი ორი შვილი, რომელთა გამოც, გეგმები შეცვალეს. ბელიზიდან ისინი არა მექსიკაში, არამედ ჰონდურასში გაემგზავრნენ – მცირე ნავით, რომელიც ამერიკელს ეკუთვნოდა.
როდესაც ერთ თვეზე მეტი გავიდა და ფარმერისგან და ფრემტონისგან არანაირი ცნობები არ მოდიოდა, ნათესავები ანერვიულდნენ ფარმერის მშობლები ბელიზის პორტის თანამშრომლებს დაუკავშირდნენ, რომლებმაც უთხრეს, რომ ვინმე ჯასტინ ბი ორ ბრიტანელთან ერთად ღია ზღვაში გავიდა და უკან მათ გარეშე დაბრუნდა.
1978 წლის ივლისში, გვატემალას სანაპიროსთან კაცისა და ქალის ცხედრები იპოვეს. სამედიცინო ექსპერტიზამ დაადასტურა, რომ ისინი აწამეს და მძიმე მეტალზე მიაბეს. გარდაცვლილების ოჯახებმა ტრაგედიის შესახებ მხოლოდ ნახევარი წლის შემდეგ გაიგეს.
პოლიციამ მალევე დაადგინა, რომ ნავის მეპატრონეს სილას ბოსტონი ერქვა, რომელიც კალიფორნიაში ცხოვრობს. ბოსტონი რამდენჯერმე იყო ნასამართლევი, კერძოდ თავდასხმის და გაუპატიურების მუხლით. მისი 7 ცოლიდან, მესამე 1960-იან წლებში გაუჩინარდა: მისი სხეული ვერ იპოვეს. ბოსტონი დაკითხეს, თუმცა ბრალი არ წაუყენეს.
ბოსტონი ბრიტანეთის პოლიციამაც დაკითხა და დარწმუნებულნი იყვნენ, რომ დამნაშავე ის არის, თუმცა მტკიცებულება ვერ იპოვეს.
infowe@infoweChristopher Farmer and his lawyer girlfriend Peta Frampton pictures,were stripped naked, trussed and thrown overboard to die https://eklist.com/christopher-farmer-girlfriend-peta-frampton-1281/ …
მოკლული კრის ფარმერის და პენი ჟურნალისტი გახდა. ძმის მკვლელობის დროს ის 17 წლის იყო. 2015 წელს, მამის გარდაცვალებიდან ორ წელიწადში, პენი ფარმერმა ძმის სავარაუდო მკვლელის მოძებნა ფეისბუქით გადაწყვიტა. მკვლელის გარდა, მან მისი შვილები და ერთი ცოლიც იპოვა. პენიმ მათ წერილები გაუგზავნა და მანჩესტერის პოლიციას მიმართა. მოგვიანებით ცნობილი გახდა, რომ კალიფორნიაში ბოსტონის მესამე ცოლის გაუჩინარებასთან დაკავშირებით საქმე ისევ აღძრეს.
პოლიციამ კაცის შვილები დაკითხა, რომლებმაც განაცხადეს, რომ ყოველთვის იცოდნენ, რომ მათი დედა ბოსტონმა მოკლა (მესამე ცოლი). გარდა ამისა, მათ თქვეს, რომ როდესაც ბოსტონმა კრისი და პეტუ მოკლა, ისინი ნავზე იმყოფებოდნენ. მათ ამის შესახებ პოლიციას მაშინვე უთხრეს, თუმცა იმ დროს სამართალდამაცველებმა არაფერი მოიმოქმედეს.
პენი ფარმერმა BBC-ის უამბო, რომ ბოსტონის ოჯახისგან მკვლელობის ყველა დეტალი გაიგო. ბოსტონმა ჯერ ფარმერი დააბა და შემდგომ ფრემტონი გააუპატიურა. ამის შემდეგ ორივე აიყვანა ხელში და ნავიდან გადააგდო. ბოსტონის შვილმა რასელმა პოლიციას ასევე განუცხადა, რომ იმავე დღეებში გვატემალაში მამამისმა კიდე ორი ტურისტი მოკლა. რასელის თქმით, მამამისს სულ მცირე 33 ადამიანი ჰყავს მოკლული. ვაჟის თქმით, ბოსტონი შვილებსაც ემუქრებოდა დახოცვით, თუ ისინი ამის შესახებ იტყოდნენ.
infowe@infoweSilas Duane Boston picture,charged with murders Christopher Farmer and Peta Frampton in 1978 http://koblist.com/silas-duane-boston-2088/ …
პოლიციამ სილას ბოსტონი იმავე გზით იპოვა, როგორც პენი ფარმერმა – Facebook-ით. გვერდი ბოსტონზე მზრუნავმა ექთანმა შექმნა. კაცი ჩიოდა, რომ მას მეგობრები არ ჰყავს და სოციალური ქსელი სურდა.
2016 წლის 1 დეკემბერს სილას ბოსტონი ორმაგი მკვლელობისთვის დააკავეს. იმ პერიოდში ის უკვე მძიმედ ავად იყო. 2017 წლის 24 აპრილს ბოსტონი გარდაიცვალა. მისი გასამართლება ვერ მოასწრეს. პენი ფარმერმა ძმის მკვლელის პოვნის შესახებ წიგნი დაწერა, რომელიც 2018 წლის აგვისტოში დიდ ბრიტანეთში გამოიცა.