ტელეწამყვანმა გიორგი გასვიანმა ტელეკომპანია „იბერია“ დატოვა. შესაბამისად, „ფაბრიკას“ ახალი წამყვანი ეყოლება. მის ნაცვლად გადაცემას ჟურნალისტი რეზო ჭიჭინაძე გაუძღვება, რომელიც „იბერიაზე“ „საზოგადოებრივი მაუწყებლიდან“ გადავიდა.
თავად გიორგი გასვიანმა „2020NEWS“-ს არხის დატოვება დაუდასტურა, თუმცა დეტალების დაკონკრეტებისგან თავი შეიკავა.
“არხიდან არანაირი სკანდალისა და გაუგებრობის გამო არ წამოვსულვარ. „იბერიიდან“ წამოსვლას არ ვაპირებდი, გადაცემის ქუდს ვწერდით, მაგრამ აგვისტოს შუა რიცხვებში გადავწყვიტე წამოსვლა. არხზე ყველას ძალიან დიდ პატივს ვცემ და ყველა ძალიან მიყვარს. ამ გადაცემამ ფეხი ლალი მოროშკინასთან ერთად აიდგა და მიხარია, რომ ჩემი მისვლით ის განვითარების საინტერესო ეტაპზე გადავიდა. წარმატებებს და მაღალ რეიტინგს ვუსურვებ ახალ წამყვანს“, – აღნიშნა გიორგი გასვიანმა სააგენტოსთან საუბარში.
„იბერია“ ახალ სატელევიზიო სეზონს დღეიდან გახსნის.