საქართველოს შეიარაღებული ძალების პირველი ქვეითი ბრიგადის მე-12 ბატალიონის კაპრალ-სპეციალისტმა გოჩა ნონაშვილმა 4 ადამიანის სიცოცხლე გადაარჩინა, – ამის შესახებ ინფორმაციას თავდაცვის სამინისტრო ავრცელებს.
თავდაცვის სამინისტროს ცნობით, სოფელ იგოეთთან ავტოსაგზაო შემთხვევა მოხდა. სამხედრო მოსამსახურემ, რომელსაც პირველადი სამედიცინო დახმარების კურსები შეიარაღებულ ძალებში ჰქონდა გავლილი, მძიმედ დაშავებულ მგზავრებს სასწრაფო სამედიცინო ბრიგადის მისვლამდე, პირველადი კვალიფიციური დახმარება აღმოუჩინა.
სამხედრო მოსამსახურეს დღეს საქართველოს თავდაცვის მინისტრი შეხვდა და გამოჩენილი გულისხმიერებისთვის მადლობა პირადად გადაუხადა. ლევან იზორიამ გოჩა ნონაშვილი, ერთჯერადი ფულადი პრემიითაც დააჯილდოვა.
კომენტარები