BBC-ის ინფორმაციით, ბრაზილიაში ეროვნულ მუზეუმში ხანძარი გაჩნდა. რიო დეჟანეიროში მდებარე 200-წლიანი ისტორიული შენობის უმეტესი ნაწილი განადგურდა.
1818 წელს აგებული შენობა ერთ დროს პორტუგალიის სამეფო ოჯახის რეზიდენცია იყო.
მუზეუმში 20 მილიონი იშვიათი ექსპონატი იყო განთავსებული. საგამოფენო სივრცეში ასევე წარმოდგენილი იყო სამხრეთ და ჩრდილო ამერიკის მცენარეების, მინერალების, ცხოველების, მუმიებისა და ინდური ჭურჭლის იშვიათი ექსპონატები. ექსპოზიციაში შედიოდა დინოზავრის ჩონჩხი და 12 ათასი წლის წინანდელი თავის ქალის ძვლის ნაწილები.
მეცნიერები აცხადებდნენ, რომ ეს იყო ყველაზე ძველი ძვლოვანი სისტემა, რაც კი ოდესმე აღმოუჩენიათ ამერიკის კონტინენტზე.
მუზუემის დირექტორმა მომხდარს “კულტურის სფეროს უდიდესი ტრაგედია” უწოდა.
კომენტარები