ირანში ტერაქტს მსხვერპლი მოჰყვა. თავდასხმა ცოტა ხნის წინ ქალაქ აჰვაზში სამხედრო აღლუმის დროს მოხდა.
სამხედროების მსვლელობის დროს შეიარაღებულმა პირებმა ცეცხლი გახსნეს და რამდენიმე ადამიანი მოკლეს.
დაშავებულია 20-ზე მეტი ადამიანი. დაღუპულთა ზუსტი რაოდენობა ამ დროისთვის უცნობია.
გავრცელებული ინფორმაციით, მოკლულებსა და დაშავებულებს შორის არიან სამხედროები, ქალები და ბავშვი.
ტერაქტზე პასუხისმგებლობა არცერთ დაჯგუფებას არ აუღია. ირანელი მაღალჩინოსნები მომხდარში ისლამურ სახელმწიფოს ადანაშაულებენ.
ადგილობრივი მედიის ინფორმაციით, თავდამსხმელები სამხედრო ფორმაში იყვნენ ჩაცმულები. მომხდარის სხვა დეტალები ამ დროისთვის უცნობია.
კომენტარები