სამხრეთ კაროლინის შტატში საბრძოლო თვითმფრინავმა F-35B-მა კატასტროფა განიცადა. ინციდენტის შედეგად არავინ დაშავებულა.
მეხუთე თაობის ახალი ამერიკული საფრენი აპარატის პილოტმა კატაპულტირების შედეგად გადარჩენა მოახერხა.
CNN-ი პენტაგონის წარმომადგენლებზე დაყრდნობით წერს, რომ ეს ამერიკის შეერთებული შტატების სამხედრო საჰაერო ძალების ისტორიაში მრავალფუნქციური საბრძოლო თვითმფრინავის პირველი ავიაკატასტროფა იყო.
მომხდარის მიზეზების გამოსაკვლევად გამოძიება უკვე დაიწყო.
მოგვიანებით, სოციალურ ქსელებში ავიაკატასტროფის ამსახველი ვიდეომასალაც გავრცელდა.
ჩანაწერი Breaking Aviation News-ს ეკუთვნის. აღნიშნული საინფორმაციო სააგენტო სამხედრო ავიაციის თემაზე მუშაობს.
კომენტარები