30 წლის შემდეგ ადამიანებს ყველაზე მეტად პარტნიორებთან ურთიერთობების ეშინიათ, ხოლო რაც უფრო დიდი ხანი გრძელდება ეს ურთიერთობა, შიში მით უფრო მცირდება. ფსიქოლოგებმა გამოკითხვა გაცნობის ვებგვერდის Elitepartner-ის დახმარებით ჩაატარეს. სულ 3700 ადამიანი გამოიკითხა. გამოკითხვის შედეგები ჟურნალმა Bild-მა გამოაქვეყნა.
გაირკვა, რომ ყველაზე მეტად პარტნიორებთან ურთიერთობაში მხარეებს ინტელექტის დონის გამო ეშინიათ. ისინი ფიქრობენ, რომ შესაძლოა პარტნიორმა მისი ინტელექტი ეჭვის ქვეშ დააყენოს და ამიტომ იმის ნაცვლად, რომ კომპიუტერში გაერთონ, ბევრი ამ შიშის გამო წიგნების კითხვასაც იწყებს.
მნიშვნელოვანი ასევე შიში იმის გამო, რომ პარტნიორისთვის სამსახური უფრო მნიშვნელოვანია, ვიდრე ურთიერთობა. ეს შიში გამოკითხულების 20 %-ს აწუხებს.
ფსიქოლოგები მიიჩვევენ, რომ პარტნიორების დამოკიდებულება ერთმანეთის ახლობლებისადმი ასევე შიშის საფუძველია.
გამოკითხულების 30% თვლის, რომ ფინანსური მხარეც შესაძლოა ურთიერთობებში მნიშვნელოვანი პრობლემა გახდეს. გამოკითხული ქალების 38% -ს და კაცების 25%-ს ეშინია, რომ პარტნიორმა შეიძლება „გვერდზე გაიხედოს“.
გამოკითხული კაცების 41% და ქალების 58% შიშობს, რომ პარტნიორმა შესაძლოა გადაიყვაროს. კაცები უფრო მეტად მიიჩნევენ თავს მიმზიდველად ვიდრე ქალები, – ამბობენ ფსიქოლოგები.
ხოლო ყველაზე დიდი შიში ურთიერთობაში სექსს უკავშირდება. ქალების 50% და კაცების 59% შიშობს, რომ „ლოგინში ყველაფერი რიგზე არაა“.
იმედინიუსი