სინოპტიკოსები ხვალ ღამით საქართველოს მაღალ მთაში ტემპერატურის მკვეთრ ვარდნასა და თოვლს პროგნოზირებენ. „ამაღამ და ხვალ მთელი დღე იქნება ძლიერი ქარი როგორც დასავლეთ, ასევე აღმოსავლეთ საქართველოში, ქარი განსაკუთრებით გაძლიერდება აღმოსავლეთ საქართველოში. ხვალიდან ველოდებით ტემპერატურის მკვეთრ დაცემას 15-20 გრადუსამდე და შესაძლებელია უფრო დაბალი ტემპერატურაც იყოს. აღმოსავლეთ საქართველოში ტემპერატურა 17-22 გრადუსის ფარგლებში იქნება, ხოლო დედაქალაქში – 18-20 გრადუსის ფარგლებში“, – ამბობს გარემოს ეროვნული სააგენტოს პროგნოზების დეპარტამენტის ხელმძღვანელი სვეტლანა ნიორაძე.
სინოტიკოსების ცნობით, ცივი ამინდები საქართველოს ტერიტორიაზე მხოლოდ ორი დღე გასტანს, შემდეგ კი ისევ გამოიდარებს და ჰაერის ტემპერატურაც მოიმატებს.
კომენტარები