ინტერპოლის პრეზიდენტი მენ ჰუნვეი, რომელიც მანამდე გაუჩინარებულად მიიჩნეოდა, თანამდებობიდან გადადგა. ამის შესახებ ინფორმაცია საერთაშორისო უწყების Twitter-ის გვერდზე გავრცელდა.
„ინტერპოლის გენერალურმა სამდივნომ ლიონში ბატონი მენ ჰუნვეისგან გადადგომის თხოვნა მიიღო”-ნათქვამია განცხადებაში.
უწყების ცნობით, ინტერპოლის ხელმძღვანელის პოსტს დროებით სამხრეთ კორეელი კიმ ჩონ იანი დაიკავებს, ახალ პრეზიდენტს კი ინტერპოლის გენერალური ასამბლეის 87-ე სესიაზე აირჩევენ, რომელიც დუბაიში 18-21 ნოემბერს ჩატარდება.
INTERPOL✔@INTERPOL_HQ
Statement by the INTERPOL General Secretariat on the resignation of
Meng Hongwei.
მანამდე ჩინეთი ხელისუფლებამ დაადასტურა, რომ ინტერპოლის პრეზიდენტი დაპატიმრებულია. ის „დანაშაულებრივ საქმიანობაშია“ ეჭვმიტანილი, თუმცა კონკრეტულად რას ედავებიან, უცნობია.
ინტერპოლის პრეზიდენტის გაუჩინარების შესახებ 5 ოქტომბერს გახდა ცნობილი.
მენ ჰუნვეი ინტერპოლს 2016 წლიდან ხელმძღვანელობს. გაუჩინარებიდან მალევე გაჩნდა ვერსია, რომ ის ჩინეთის ხელისუფლებამ დააპატიმრა. ინტერპოლმა პეკინს განმარტებისათვის ოფიციალურად მიმართა.
იმედინიუსი