მაკედონიის სასამართლომ ქვეყნის შინაგან საქმეთა ყოფილი მინისტრი გორდანა იანკულოვსკა Mercedes-ის მარკის ავტომობილის ყიდვისას სამსახურებრივი უფლებამოსილებების ბოროტად გამოყენებაში დამნაშავედ ცნო და 6 წლით თავისუფლების აღკვეთა მიუსაჯა.
საუბარია 2012 წელს 600 ათას ევროდ პრემიერ-მინისტრის ადმინისტრაციისთვის Mercedes S600 Guard-ის ტიპის დაჯავშნილი ავტომობილის შეძენაზე.
სასამართლოს აზრით, შსს-მ ავტომობილი ისეთი ტენდერის გზით შეიძინა, რომლის პირობებიც მხოლოდ ერთი მიმწოდებლისთვის იყო ხელსაყრელი.
აღსანიშნავია, რომ გორდანა იანკულოვსკას წინააღმდეგ სისხლის სამართლის კიდევ ორი საქმეა აღძრული, რომლებიც არჩევნების დროს არსებულ დარღვევებს, მიყურადების მოწყობილობების უკანონო განადგურებას და 5000-მდე აბონენტის უკანონო მიყურადებას ეხება.
კომენტარები