რამდენიმე დღის წინ 34 წლის ბრიტანელი სამთო ველოსიპედისტი საფრანგეთის ალპებში მონადირეს ემსხვერპლა. მას მონადირის ტყვია მაშინ მოხვდა, როდესაც შვეიცარიის საზღვართან ახლოს, ტყის მასივის გავლით მიდიოდა. დაღუპულის, მარკ სატონის დედამ სოციალურ ქსელში დაწერა, რომ ამის გამო არ წუხს და იმედოვნებს, რომ მისი შვილი „ჯოჯოხეთის ცეცხლში დაიწვება“. ამის შესახებ Independent-ი წერს.
„ჩემი ერთადერთი იმედგაცრუება ისაა, რომ ასე სწრაფად მოკვდი. თუ ვინმე ფიქრობთ, რომ ეს ყალბი გვერდია, გეტყვით, რომ მე სწორედ ის ქალი ვარ, ვინც ის გააჩინა. ის მონსტრი იყო“ – დაწერა დაღუპული ბიჭის დედამ.
ბიჭის დედამ განმარტა, რომ მისი შვილი წლების განმავლობაში გოგოებზე ძალადობდა და აუპატიურებდა.
ქალის თქმით, არასდროს უფიქრია, რომ მისი ვაჟი მოძალადე იყო და ეს მხოლოდ მაშინ შეიტყო, როცა ბიჭი 17 წლის იყო. ქალის თქმით, ამის შესახებ შვილის ერთ-ერთი მსხვერპლისგან შეიტყო, თუმცა ის პოლიციას არასდროს დაუჭერია.
ერთ-ერთმა სავარაუდო მსხვერპლმა კი, მედიასთან საუბრისას დაღუპულ ბიჭზე თქვა:
„მან მე პირველად 8 წლის ასაკში გამაუპატიურა. მემუქრებოდა, თუ ვინმეს ამის შესახებ მოვუყვებოდი, ყველა მე შემიძულებდა და არავინ დამიჯერებდა. ამას რამდენიმე კვირაში ერთხელ აკეთებდა. დაახლოებით 100-ჯერ დამესხა თავს. მე ძალიან შეშინებული ვიყავი“ – თქვა გოგომ.