კომპანია „ჯორჯიან უოთერ ენდ ფაუერი“ სპეციალურ განცხადებას ავრცელებს. “ექსკლუზივ ნიუსი” განცხადებას უცვლელად გთავაზობთ:
„19 ოქტომბერს, კომპანია „თელასის მიერ დაგეგმილი პროფილაქტიკური სამუშაოების გამო, ნაძალადევის რაიონში, მუხრანის ქუჩაზე მდებარე „ჯორჯიან უოთერ ენდ ფაუერის“ სატუმბო სადგურს ელექტროენერგიის მიწოდება დროებით შეეზღუდება.
აღნიშნულთან დაკავშირებით 9 ოქტომბერს, 11:00-დან 18:30 საათამდე წყალმომარაგება შეუწყდება: ნაძალადევის რაიონში გეგუთის, სვირის, ბენდელიანის და მიმდებარე ქუჩებს, იმერეთის I და II შესახვევებს.
წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით მიაწოდებს. დეტალური ინფორმაციის მოძიება შესაძლებელია კომპანიის ცხელი ხაზის – 2 93 11 11, ფეისბუქისა და ვებგვერდის მეშვეობით – http://www.gwp.ge
„ჯორჯიან უოთერ ენდ ფაუერი“ დისკომფორტისთვის ბოდიშს უხდის მომხმარებლებს“, – ნათქვამია კომპანიის განცხადებაში.