ულტრაორთოდოქსი ისრაელელი იუდეველები ავიაკომპანია El Al-ის თვითმფრინავში ბორტგამცილებელს თავს დაესხნენ. ისინი თვითმფრინავის დაშვებას მოითხოვდნენ, მიზეზი კი მათი რელიგიური წესის – შაბათის დაცვა იყო. ამ ინციდენტის შესახებ ერთ-ერთმა მგზავრმა სოციალურ ქსელში დაწერა.
მგზავრის ცნობით, Boeing 787 ნიუ-იორკიდან თელ-ავივში მიფრინავდა. უამინდობის გამო თვითმფრინავი აშშ-დან დროულად ვერ გაფრინდა. თვითმფრინავის სალონშო 70-მდე ებრაელი იმყოფებოდა, მათ ბორტგამცილებელს თვითმფრინავიდან ჩასვლა მოსთხოვეს, რადგან მათი გათლვლით, შაბათს ვერ უსწრებდნენ. ბორტგამცილებელმა ისინი დაამშვიდა, რომ შაბათს თელ-ავივში მიუსწრებდნენ.
როცა მორწმუნე ებრაელები მიხვდნენ, რომ თვითმფრინავს დაშვება აგვიანდებოდა და შესაბამისად, შაბათს ჰაერში შეხვდებოდნენ, ისინი თავს ბორტგამცილებელს დაესხნენ.
საბოლოოდ, თვითმფრინავი ათენში დასვეს, სადაც ებრაელი მგზავრები შაბათის წესის აღსასრულებლად დარჩნენ, ხოლო დანარჩენი მგზავრები დანიშნულების ადგილამდე სხვა რეისით გაფრინდნენ.
უძველესი დროიდან ებრაელი ხალხი შაბათს განიხილავდა, როგორც ღმერთის მიერ ნაჩუქარ დიდ ჯილდოს. სიტყვა „შაბათი“ ებრაელის შემეცნებაში უკავშირდება სისუფთავესა და სიწმინდეს, სილაღესა და სიმხიარულეს.
https://imedinews.ge/ge/tabloidi/85966/ebraelebma-shabatis-gamo-tvitmprinavis-gautvalistsinebeli-dashveba-moitkhoves