პარიზში პოლიციამ დემონსტრანტების დასაშლელად ცრემლსადენი გაზი და წყლის ჭავლი გამოიყენა. აქციის მონაწილეები რამდენიმე დღეა საწვავზე ფასების მატებას აპროტესტებენ. ამის შესახებ BBC წერს.
მიუხედავად უსაფრთხოების გაძლიერებული ზომებისა პოლიციასა და დემონსტრანტებს შორის დაპირისპირება პარიზის ცენტრალურ ნაწილში მაინც მოხდა.
პარიზის ქუჩებში 3 ათასი პოლიციელია მობილიზებული. მიზანი უკანონო ადგილებში დემონსტრაციების გამართვის აკრძალვაა.
საპროტესტო მსვლელობებში მთლიანობაში 280 ათასი ადამიანი მონაწილეობდა. წინა შაბათს საფრანგეთის მასშტაბით მსვლელობა 2 ათასზე მეტ ადგილზე გაიმართა.
საფრანგეთში ბენზინის ღირებულება პირველი იანვრიდან იზრდება. გაიზრდება დიზელის ფასიც. საფრანგეთში ბენზინი ბოლო ერთ წელიწადში 15%-ით გაძვირდა.
კომენტარები