ირმა ინაშვილი თემირლან მაჩალიკაშვილის დედას – არ ვიმსახურებ იმ მიმართვას თქვენგან, რაც წავიკითხე

“მუდმივად საჯაროდ მივმართავდი და მივმართავ ხელისუფლებას, რომ ითქვას სიმართლე, ჩატარდეს ობიექტური გამოძიება და დაისაჯონ დამნაშავეები”, – “პატრიოტთა ალიანსის” ლიდერი ირმა ინაშვილი თემირლან მაჩალიკაშვილის დედას სოციალური ქსელის მეშვეობით მიმართავს.
“თემირლან მაჩალიკაშვილის დედას ვეხმიანები: ქალბატონო მედიკო, პანკისშიც ვიყავი, მოგისამძიმრეთ კიდეც, თქვენი ტკივილიც გავიზიარე. მუდმივად საჯაროდ მივმართავდი და მივმართავ ხელისუფლებას, რომ ითქვას სიმართლე, ჩატარდეს ობიექტური გამოძიება და დაისაჯონ დამნაშავეები. არ ვიმსახურებ იმ მიმართვას თქვენგან, რაც წავიკითხე. დღეს დილით სარალიძეს პანაშვიდი გადავუხადე და თქვენი შვილის სახელზე, დაბადების დღისთვის, რაც გასაკეთებელი იყო თქვენი წესისამებრ, ისიც გაკეთდა. ამაზე ხმამაღლა არ საუბრობენ. ასე რომ, ქალბატონო მედიკო, მე არ ვიმსახურებ თქვენგან იმას, რასაც წერთ. მორიგ ჯერზე, გამოვთქვამ წუხილს იმის გამო, რომ სამართალი ჯერ ვერ იპოვეთ, მაგრამ იცოდეთ: მართალ კაცს, თუ მართალია… როცა მართალია, ეს სიმართლე არ დაეკარგება”, – წერს ინაშვილი საკუთარ ფეისბუქგვერდზე.