BBC საქართველოში ჩატარებული საპრეზიდენტო არჩევნების მეორე ტურის შესახებ სტატიას აქვეყნებს და წერს, რომ წინასწარი შედეგებით პრეზიდენტობის კანდიდატი ქალი სალომე ზურაბიშვილი ლიდერობს.
“ეგზიტპოლის თანახმად, მმართველი პარტიის “ქართული ოცნების” მიერ მხარდაჭერილმა კანდიდატმა სალომე ზურაბიშვილმა გაერთიანებული ოპოზიციის კანდიდატი დაამარცხა”, – წერს BBC.
ამის შემდეგ მედიასაშუალება სალომე ზურაბიშვილს დიპლომატიურ გამოცდილებაზე ამახვილებს ყურადღებას.
ტელეკომპანია “იმედის” დაკვეთით GALLUP INTERNATIONAL-ის მიერ ჩატარებული ეგზიტპოლის შედეგების მიხედვით, სალომე ზურაბიშვილს 58%, გრიგოლ ვაშაძეს კი 42% აქვს.
დღეს საქართველოს მოსახლეობამ 5-ის ნაცვლად 6 წლით, პირდაპირი წესით ბოლოჯერ აირჩია ქვეყნის პრეზიდენტი.
ფოტო: BBC/screen photo
კომენტარები
