“Lion Air“-ის თვითმფრინავი “Boeing 737 Max”, რომელმაც გასული თვის 27 ოქტომბერს, კატასტროფა განიცადა და რის შედეგადაც 189 ადამიანი დაიღუპა, ინდონეზიელი გამომძიებლების განცხადებით, გასაფრენად უვარგისი აღმოჩნდა.
წინასწარი გამოკვლევების მიხედვით, მანამდე განხორციელებულმა ფრენებმა აჩვენა, რომ ადგილი ჰქონდა პრობლემებს, თუმცა გამოძიებას არ დაუკონკრეტებია, თუ რა სახის იყო ეს პრობლემები.
სატრანსპოტო უსაფრთხოების ეროვნულმა კომიტეტმა დაადგინა, რომ “Lion Air” -მა თვითმფრინავის გაფრენას, მწვანე შუქი აუნთო, იმის მიუხედავად, რომ მას ადრინდელი ფრენებისას, პრობლემები შეექმნა.
“bbc”-ის ინფორმაციით, ფრენის დროს თვითმფრინავს, ტექნიკური პრობლემები გააჩნდა, მაგრამ მფრინავმა, გადაწყვეტილება მიიღო, რომ გაფრენილიყო.
“ჩვენი მოსაზრებით, თვითმფრინავი უკვე აღარ იყო ვარგისი იმისათვის, რომ შემდგომი გაფრენა განეხორციელებინა“ – აღნიშნა სატრანსპორტო უსაფრთხოების კომიტეტმა, თუმცა არ დააკონკრეტა, ავიალაინერის ტექნიკური პრობლემები.
შეგახსენებთ, რომ “Lion Air”-ის კუთვნილი სამგზავრო თვითმფრინავი, “Boeing 737 Max”, რომლის ბორტზეც 189 ადამიანი იმყოფებოდა, გასული თვის ბოლოს, ინდონეზიის დედაქალაქ ჯაკარტას აეროპორტიდან, აფრენიდან მალევე, ზღვაში ჩავარდა – არც ერთი გადარჩენილი არ არის ნაპოვნი.
Read more at https://www.primetime.ge/news/1543483188-%E1%83%A1%E1%83%90%E1%83%9B%E1%83%92%E1%83%96%E1%83%9B%E1%83%90%E1%83%A0%E1%83%97%E1%83%90%E1%83%95%E1%83%98-%E1%83%90%E1%83%A6%E1%83%9B%E1%83%9D%E1%83%A9%E1%83%9C%E1%83%93%E1%83%90#JzLQaI4tbgRGT8wR.99