იმ კადრების შემდეგ, როგორ სცემდა დავით კირკიტაძე პოლიციელს, თუ ვინმე იტყვის, რომ ეს პოლიტიკური დევნაა, მის სინდისზე იყოს, – ამის შესახებ პარლამენტის ადამიანის უფლებათა დაცვის კომიტეტის თავმჯდომარემ სოფიო კილაძემ ჟურნალისტებს განუცხადა. კილაძის თქმით, კანონდარღვევაზე სამართალდამცველებმა მყისიერი რეაგირება უნდა მოახდინონ.
“თუ ვინმე იმ კადრების შემდეგ, რომელიც ვიხილეთ ტელევიზიით, როგორ სცემდა კირკიტაძე პოლიციელს, კიდევ იტყვის, რომ ეს არის პოლიტიკური დევნა, მის სინდისზე იყოს ეს შეფასება. მე მხოლოდ და მხოლოდ ის შემიძლია ვთქვა, რომ როცა დანაშაული მოხდება, მას უნდა ჰქონდეს მყისიერი რეაგირება სამართალდამცველების მხრიდან, განურჩევლად რომელ პოლიტიკურ პარტიას მიეკუთვნება”, – განაცხადა სოფიო კილაძემ.
კომენტარები