საქართველოს ყოფილი პრეზიდენტი უპრინციპო და უსინდისო ადამიანია – ამის შესახებ ჭყონდიდის მიტროპოლიტმა მეუფე პეტრემ სინოდის სხდომის დასრულების შემდეგ განაცხადა.
მეუფე პეტრემ გიორგი მარგველაშვილის მიმართ აღნიშნული შეფასება “ციანიდის საქმეზე” დაკავებული დეკანოზ გიორგი მამალაძის არშეწყალების კონტექსტში გააკეთა.
რაც შეეხება პატრიარქის პოზიციას, მეუფე პეტრეს თქმით, ამ საკითხზე მსჯელობისგან სრულიად საქართველოს კათოლიკოს-პატრიარქმა თავი შეიკავა.
„სამწუხაროდ ციანიდთან დაკავშირებით კათოლიკოს-პატრიარქმა თავი შეიკავა ამ საკითხის განხილვისგან. ძალიან გულდასაწყვეტია და მიმაჩნია, რომ არასწორი და არაჯეროვანია მსგავსი პოზიცია“, – განაცხადა მეუფე პეტრემ.
კომენტარები