ადამიანები, რომლებიც მორალურ კონფლიქტში არიან ჩვენს საზოგადოებასთან, უნდა მოშორდნენ სასამართლოს, – ამის შესახებ საპარლამენტო უმრავლესობის წევრმა, ლევან გოგიჩაიშვილმა იუსტიციის უმაღლესი საბჭოს მიერ ლევან მურუსიძის უვადოდ დანიშვნაზე განაცხადა.
„უნდა ვთქვათ, რომ ძალიან მძიმე გადაწყვეტილებაა მიღებული. იუსტიციის უმაღლესმა საბჭომ ლევან მურუსიძე უვადოდ დაამტკიცა. ვფიქრობ, ეს არის შეურაცხყოფა არა მხოლოდ ჩვენი საზოგადოების, არამედ ჩვენი პარლამენტის და მე ვფიქრობ ეს პარლამენტის ღირსების საკითხია, რომ ეს ჩარხი უკან მობრუნდეს. ეს ამოცანა აქვს პარლამენტს. ადამიანები, რომლებიც მორალურ კონფლიქტში არიან ჩვენს საზოგადოებასთან, უნდა მოშორდნენ სასამართლოს“, – განაცხადა ლევან გოგიჩაიშვილმა.
კომენტარები