„თავმჯდომარის პირველი მოადგილის კანდიდატურის დასახელება მოქმედი რეგლამენტის მიხედვით, კომიტეტის თავმჯდომარის პრეროგატივაა, თუმცა, ეს არის პოლიტიკური გადაწყვეტილება“, – ამის შესახებ საპარლამენტო უმრავლესობის წევრმა დავით მათიკაშვილმა ადამიანის უფლებათა დაცვის და სამოქალაქო ინტეგრაციის კომიტეტის სხდომის დასრულების შემდეგ განაცხადა. აღნიშნულმა კომიტეტმა გედევან ფოფხაძის განცხადება პირველი მოადგილის თანამდებობის დატოვების შესახებ ცნობად მიიღო.
„თავმჯდომარის პირველი მოადგილის კანდიდატურის დასახელება მოქმედი რეგლამენტის მიხედვით, კომიტეტის თავმჯდომარის პრეროგატივაა, თუმცა, ეს არის პოლიტიკური გადაწყვეტილება, ეს არის გუნდური გადაწყვეტილება, შესაბამისად, გუნდის შიგნით იქნება ამაზე მსჯელობა. ძალიან ბევრი ღირსეული ადამიანია, ვინც კარგად გაართმევს თავს ამ მაღალ პასუხისმგებლობას. ასე, რომ ჩვენ დაველოდებით გუნდის შიგნით მსჯელობას და ისე მივიღებთ გადაწყვეტილებას“, – განაცხადა დავით მათიკაშვილმა.