“ვერ გეტყვით რა საკითხებს განვიხილვათ, რადგან მოგეხსენებათ დღეს 2019 წლის პირველი სამუშაო დღეა და ფრაქცია „ქართული ოცნება“ დილიდან იწყებს მუშაობას. ბუნებრივია, პარტიის თავმჯდომარე შემოგთავაზებს დღის წესრიგს და შემოთავაზებული დღის წესრიგის მიხედვით მოგვიწევს მუშაობა” – ამის შესახებ ჟურნალისტებს ფრაქცია „ქართული ოცნების“ სხდომის დაწყებამდე დეპუტატმა ზაქარია ქუცნაშვილმა განუცხადა.
რაც შეეხება გავრცელებულ ინფორმაციას ეკა ბესელიას პარტიიდან გარიცხვის შესახებ, აღნიშნულზე ქუცნაშვილი ამბობს:
„მოდით, დაველოდოთ მოვლენებს რა საკითხები განიხილება, რა შემოგვთავაზებენ თავმჯდომარე, ფრაქციის სხვა წევრები და მერე ვიმსჯელოთ” – აღნიშნა მან.
ჟურნალისტის კითხვაზე, როგორია მისი მოსაზრება, იმ ბრალდებაზე, რომ ეკა ბესელიამ პარტიის შიდა საკითხები გარეთ გამოიტანა, ქუცნაშვილმა ასე უპასუხა:
„მე ჭორიკანა პოლიტიკოსი არ ვარ, ჭორიკანა პოლიტიკას არ მივდევ, აქედან გამომდინარე კომენტატორების კომენტატორი არ ვარ, შესაბამისად, ეს ალბათ იმათ უნდა ჰკითხოთ ვინც ეს თქვა. არ ვაპირებ იმ ადამიანის ნათქვამზე კომენტარის გაკეთებას, რომლის არც სახელი ვიცი, არც გვარი.
ჩემი მიზანი არ არის, რომ ვიმსჯელო ფრაქციის ერთი წევრის საქციელის მორალურობაზე. ვნახეთ რას შემოგვთავაზებს ფრაქციის თავმჯდომარე და პარტიის თავმჯდომარე, ამის შემდეგ მოგვიწევს მსჯელობა”, – განაცხადა ქუცნაშვილმა.
ამ წუთებში, „ქართული ოცნების“ ოფისში ფრაქციის სხდომა მიმდინარეობს. სხდომას ბიძინა ივანიშვილი ესწრება.