პატრიარქის ეპისტოლეში ორი მნიშვნელოვანი გზავნილი მოვისმინეთ. ერთი ეხებოდა სიტყვით ძალადობას, რაც სერიოზული პრობლემაა, – ამის შესახებ პარლამენტის თავმჯდომარემ ჟურნალისტებს რუსთაველის გამზირზე განუცხადა, სადაც საშობაო ალილოს მსვლელობის მონაწილეებს შეხვდა.
კობახიძემ სრულიად საქართველოს კათოლიკოს-პატრიარქ ილია მეორეს ეპისტოლესთვის მადლობა გადაუხადა.
„პატრიარქის ეპისტოლეში ძალიან მნიშვნელოვანი ორი გზავნილი მოვისმინეთ. ერთი ეხებოდა სიტყვით ძალადობას, რაც სერიოზული პრობლემაა. შეურაცხყოფა, ბილწსიტყვაობა, რაც ყოველდღიურობის ნაწილი გახდა. ეს არის სერიოზული პრობლემა, რომელსც სჭირდება, რა თქმა უნდა, დაფიქრება, შესაბამისი ზომების მიღება.
ასევე საუბარი იყო განათლებაზე. კონკრეტულად საუბარი, მათ შორის ჯანსაღი ცხოვრების წესის დამკვიდრებაზე. ასევე ეპისტოლეში საუბარი იყო პატრიოტულ აღზრდაზე, რაზეც განსაკუთრებული აქცენტი გაკეთდა.
მინდა, კიდევ ერთხელ მადლობა გადავუხადო პატრიარქს ამ ეპისტოლესთვის“,- განაცხადა ირაკლი კობახიძემ.