დიდ დიღომში აფეთქებისას გარდაცვლილები დღეს დაკრძალეს. ნათია ციცვიძე, მისი და ნინო ციცვიძე და მცირეწლოვანი შვილი ქაშუეთის ეკლესიაში გუშინ გადაასვენეს.
ორი დღის განმავლობაში სამოქალაქო პანაშვიდი მიმდინარეობდა. საქართველოს პატრიარქმა ილია მეორემ დაღუპულებისთვის სულის მოსახსენიებელი პანაშვიდი გადაიხადა.
დიდ დიღომში მდებარე ერთ-ერთ საცხოვრებელ კორპუსში აფეთქება 16 იანვარს, საღამოს მოხდა. შედეგად 4 ადამიანი დაიღუპა, მათ შორის ერთი მცირეწლოვანი ბავშვია. 4 წლის ბიჭის გადარჩენა ექიმებმა ვერ შეძლეს. დაშავებულია 8 ადამიანი.
აფეთქების მიზეზად ბუნებრივი აირის გაჟონვა სახელდება. გამოძიება უკვე მიმდინარეობს და მომხდარის გამო დაკავებულია “ყაზტრანსგაზის” ორი თანამშრომელი.
კომენტარები