თბილისის მერი კახა კალაძე, მიმდინარე კვირაში “ნაციონალური მოძრაობის” მისამართით გაკეთებულ განცხადებას განმარტავს.
როგორც ის ამბობს, ამ გამონათქვამით არ ამაყობს, თუმცა “ნაციონალურ მოძრაობას” სხვა ენა არ ესმის”
„მე საზოგადოებასთან და ადამიანთან არც ურთიერთობა მეშლება და არც საუბარი, არც ზრდილობა მაკლია. რომ გითხრათ რომ ვამაყობ, ნამდვილად ეს ასე არ არის, თუმცა ეს არის ადამიანების დაჯგუფება რომელიც ძირითადად დაკავებულია სიცრუით,“ – განაცხადა კახა კალაძემ იმედი LIVE-ის ეთერში.
18 იანვარს კახა კალაძემ “ნაციონალური მოძრაობის” ბრალდებებზე ჟურნალისტებთან კომენტარი გააკეთა, რომელსაც დიდი გამოხმარება მოჰყვა.
„ჩვენ იქ გამოსაქანებელ ადგილს ვაფართოებთ და ამ ადამიანებს ვინც მე ჩამოვთვალე, შეუძლიათ, აბრძანდნენ. ნუ, მიშას არ გამოუვა, მას შეუძლია ჰოლანდიიდან გამოექანოს. როგორიც არის გამონათქვამები, ისეთი არის პასუხები,“ – განაცხადა კახა კალაძემ.