საქართველოს პრეზიდენტი ევროკავშირის დედაქალაქში ოფიციალურ შეხვედრებს განაგრძობს. სალომე ზურაბიშვილმა აუდიენცია ამჯერად ევროკომისიის პრეზიდენტ ჟან-კლოდ იუნკერთან გამართა.
მანამდე სალომე ზურაბიშვილი ევროკავშირის სამეზობლო პოლიტიკისა და გაფართოების შესახებ მოლაპარაკებების საკითხებში ევროკომისარ იოჰანეს ჰანსდა ევროპული საბჭოს პრეზიდენტ დონალდ ტუსკს შეხვდა. მხარეებმა შეხვედრისას საქართველოს ევროპული მისწრაფებები და ოკუპირებულ ტერიტორიებზე არსებული მძიმე ჰუმანიტარული მდგომარეობა განიხილეს.
სალომე ზურაბიშვილი საქართველოს პრეზიდენტის რანგში პირველი ოფიციალური ვიზიტის ფარგლებში ევროპარლამენტის პრეზიდენტ ანტონიო ტაიანის, ევროკავშირის უმაღლეს წარმომადგენელ ფედერიკა მოგერინის, ასევე მიგრაციის, საშინაო საქმეთა და მოქალაქეობის საკითხებში ევროკომისარ დიმიტრის ავრამოპულოსს შეხვდება.
საქართველოს პრეზიდენტის ვიზიტი ბრიუსელში 21 იანვარს დაიწყო და 23 იანვრამდე გაგრძელდება.