აშშ-ის პრეზიდენტის, დონალდ ტრამპისა და ჩრდილოეთ კორეის ლიდერის, კიმ ჩენ ინის შეხვედრა თებერვლის ბოლოს გაიმართება.
დონალდ ტრამპის თქმით, ზუსტი თარიღი მედიისთვის ცნობილი გახდება მომდევნო კვირის დასაწყისში.
„ჩვენ საოცარი პროგრესი გვაქვს ჩრდილოეთ კორეასთან. როდესაც მე მოვედი, ან მოდით ვთქვათ, წინა ადმინისტრაციის ბოლოს, გულწრფელად ისე გამოიყურებოდა, თითქოს ჩრდილოეთ კორეასთან ომს ვიწყებდით. ახლა აღარ არის ჭურვების გამოცდები. აღარ არის სარაკეტო გამოცდები, ბირთვული გამოცდები. ჩვენ დავიბრუნეთ პატიმრები და ჩვენი მძევლები“, – განაცხადა დონალდ ტრამპმა.
დონალდ ტრამპისა და კიმ ჩენ ინის შეხვედრამდე კი ორი ქვეყნის სამუშაო ჯგუფების შეხვედრა გაიმართება. მხარეები ლიდერების შეხვედრისთვის ე.წ. საგზაო რუკას შეიმუშავებენ.
ჩრდილოეთ კორეის საკითხებში აშშ-ის საგანგებო წარმომადგენლის, სტივენ ბიგანისგანცხადებით, ვაშინგტონს სათადარიგო გეგმაც გააჩნია, იმ შემთხვევაში, თუ ჩრდილოეთ კორეასთან დიპლომატიური გზით საკითხების მოგვარება არ მოხერდება.