BBC -ის ინფორმაციით, აშშ-ის პრეზიდენტ დონალდ ტრამპის ადმინისტრაციას 20 შტატის მთავრობამ უჩივლა. ინფორმაციას ნიუ-იორკის პროკურორი ლეტიცია ჯეიმსი ოფიციალურ ვებგვერდზეავრცელებს.
აშშ-ის ხელისუფლების უკმაყოფილება მოჰყვა დონალდ ტრამპის ადმინისტრაციის მცდელობას ფედერალური ბიუჯეტიდან 1,6 მილიარდი დოლარის დახარჯვის შესახებ. კერძოდ, ტრამპის ადმინისტრაციამ ამ თანხის დახარჯვა მექსიკის საზღვარზე კედლის მშენებლობისთვის დაგეგმა.
„საბიუჯეტო სახსრების მიმართვა ამ არასაჭირო კედლის მშენებლობაზე უპასუხისმგებლობაა, რომელიც კონგრესის საქმიანობას აფერხებს და ზიანს აყენებს აშშ-ის თითოეულ მოქალაქეს“- განაცხადა ლეტიცია ჯეიმსმა.
აშშ-ის პრეზიდენტმა დონალდ ტრამპმა მექსიკასთან საზღვრის შესაძლო ჩაკეტვის შესახებ Twitter -ზე დაწერა. ტრამპის განცხადებით, მექსიკა თუ აშშ-ში არალეგალური მიგრანტების გადასვლას არ შეაჩერებს, მომავალ კვირას აშშ საზღვრის ნაწილს ჩაკეტავს.
2019 წლის თებერვალში ტრამპმა ქვეყანაში საგანგებო მდგომარეობა გამოაცხადა. მიზეზი მექსიკასთან კედლის მშენებლობაზე აშშ-ის კონგრესის უარი გახდა. კონგრესმა მექსიკასთან კედლის ასაშენებლად 8,6 მილიარდი დოლარის გამოყოფაზე ტრამპს უარი უთხრა.
პენტაგონმა მექსიკასთან საზღვარზე კედლის ასაშენებლად მილიარდი დოლარის გამოყოფას მხარი დაუჭირა. ამ თანხით ტეხასში, ელ-პასოს რაიონში კედლის 91-კილომეტრიანი მონაკვეთი აშენდება.