სამთავრობო ძალები ტრიპოლის ყველა მეთოდით დაიცავენ – ამის შესახებ განცხადება ლიბიის პრემიერ-მინისტრმა გააკეთა. სატელევიზიო მიმართვაში ფაიზ სარაჯმა გენერალი ხალიფა ჰაფტარი ღალატსა და სახელმწიფო გადატრიალების დაწყებაში დაადანაშაულა.
ლიბიის ე.წ. ეროვნული არმია უკვე რამდენიმე დღეა დედაქალაქს სამი მხრიდან უტევს.
ამბოხებულები ამტკიცებენ, რომ ბრძოლების შედეგად მათ ტრიპოლის საერთაშორისო აეროპორტზე კონტროლი დაამყარეს და ეროვნული ბანკისა და სახელმწიფო ტელეცენტრის დაკავებასაც ცდილობენ.
საერთაშორისო გაერთიანება მხარეებს საბრძოლო მოქმედებების დაუყოვნებლივ შეწყვეტისკენ მოუწოდებს.
კომენტარები