საქართველოს პარლამენტის ვიცე-სპიკერი გია ვოლსკი დამოუკიდებელი დეპუტატის, ეკა ბესელიას განცხადებას გამოეხმაურა.
ვოლსკი მიიჩნევს, რომ ირაკლი კობახიძე პარლამენტის კარგი თავმჯდომარეა და მისი თანამდებობიდან გადაყენების საკითხზე საუბარი ინტრიგნობაა.
„ეს ინტრიგნული გამოსვლა მგონია, ვიდრე რეალობასთან ახლოს მყოფი. ეს ძველი სიტყვა საბჭოთა პერიოდიდან მოდის, მაგრამ ეს პათოსიც იგივეა. არ შემიმჩნევია, რომ ირაკლი კობახიძეს რომელიმე დეპუტატისთვის სიტყვით გამოსვლის საშუალება არ მიეცა. არ მგონია, რომელიმე დეპუტატს ამის ნაკლებობა ჰქონდეს, მით უმეტეს, ეკა ბესელიას. შეიძლება, ზოგჯერ, რეგლამენტი სხდომის დროულად დაწყებაზე ირღვევა, მაგრამ ამას ობიექტური მიზეზები აქვს. სხდომის წაყვანა ძალიან რთულია, მით უმეტეს, როცა ამდენი ხალხია”, – განაცხადა ვოლსკიმ.
კომენტარები