“ლეონიდ ჩერნოვეცკი – ქართულმა მომავალმა“ საკანონმდებლო ინიციატივების გატარებისთვის 32 429 ხელმოწერა შეაგროვა

ორგანიზაციამ „ლეონიდ ჩერნოვეცკი–ქართული მომავალი“ საკანონმდებლო ინიციატივების გატარებისთვის უკვე 32 429 ხელმოწერა შეაგროვა. გრძელდება იმ ექვსი საკანონმდებლო ინიციატივის მხარდასაჭერად ხელმოწერების შეგროვება, რომლებიც ადამიანების უფლებების დამცველი ორგანიზაციის „ლეონიდ ჩერნოვეცკი–ქართული მომავლის” მიერ არის შემუშავებული.
პირველი კვირის განმავლობაში 32 429 ხელმოწერა შეგროვდა. მოქალაქეების ყველაზე დიდი მხარდაჭერა მოიპოვა კანონპროექტმა, რომელიც გულისხმობს პარლამენტიდან იმ დეპუტატების გამოწვევას, რომლებიც მათ მიერ არჩევნების დროს მიცემულ დაპირებებს არ ასრულებენ. აღნიშნულ ინიციატივას საქართველოს 5 439 მოქალაქემ მოაწერა ხელი.
„ეს შესაძლოა, იმაზე მეტყველებდეს, რომ ქვეყნის მოსახლეობას იმედი გაუცრუეს იმ დეპუტატებმა, რომლებსაც მანამდე საკუთარი ხმა და საქართველოს ბედი მიანდეს”, – ნათქვამია უფლებადამცველი ორგანიზაცია „ლეონიდ ჩერნოვეცკი–ქართული მომავლის“ მიერ გავრცელებულ განცხადებაში.
ხელმოწერების შეგროვებასთან დაკავშირებულ ყველა საკითხზე შეგიძლიათ მიმართოთ აღნიშნული უფლებადამცველი ორგანიზაციის „ცხელ ხაზს“ ტელეფონის შემდეგ ნომრებზე: (032) 239-22-11 და (551 39-22-11), ან შემდეგი ელექტრონული ფოსტის მეშვეობით: listgeorgianfuture@gmail.com.