თუშეთისკენ მიმავალი გზა, ეს არის ექსტრემალური გზა, ამიტომ ყველა მძღოლი, რომელიც ამ გზაზე მოძრაობს, განსაკუთრებული სიფრთხილითა და განსაკუთრებული მართვის უნარებით უნდა იყოს აღჭურვილი, – ამის შესახებ კახეთის გუბერნატორმა, ირაკლი ქადაგიშვილმა განაცხადა.
როგორც ირაკლი ქადაგიშვილმა აღნიშნა, თუშეთის გზა მუდმივად იწმინდება, თუმცა ეს გზა ყოველთვის საფრთხესთან არის დაკავშირებული.
„გზა მუდმივად იწმინდება, მიუხედავად დიდი სტიქიისა, რომელიც ახლა მოხდა გზა გახსნილია, გავლადია, თუ რამე შეფერხება არის ხოლმე, ოპერატიულად ხდება ჩარევა და შეფერხების აღმოფხვრა, მაგრამ ეს არის ექსტრემალური გზა, რომელიც ყოველთვის არის საფრთხესთან დაკავშირებული და ყველა შემთხვევში კარგ ამინდშიც, ცუდ ამინდშიც საჭიროა, რომ მძღოლებმა განსაკუთრებული სიფრთხილე გამოიჩინონ“, – განაცხადა ირაკლი ქადაგიშვილმა.