უკრაინის უმაღლესი რადა მუშაობს სპეციალურ კანონპროექტზე, რომელიც საომარი მდგომარეობის დროს არჩევნების ჩატარების შესაძლებლობებს ითვალისწინებს, თუმცა ამ ეტაპზე რეალური კენჭისყრის ორგანიზება სრულიად შეუძლებელია. ამის შესახებ უმაღლესი რადის თავმჯდომარემ, რუსლან სტეფანჩუკმა განაცხადა.
ჟურნალისტის შეკითხვაზე, რომელიც თავდაცვის ყოფილი მინისტრის, მიხაილო ფედოროვის ვიდეომიმართვის შემდეგ არჩევნებთან დაკავშირებით აგორებულ დისკუსიებსა და პარლამენტში შესაბამისი კანონპროექტის მომზადებას ეხებოდა, სტეფანჩუკმა განმარტა, რომ საკანონმდებლო ორგანო უკვე ერთი წელია ამ საკითხზე აქტიურად მუშაობს.
„პარლამენტში უკვე ერთი წელია მოქმედებს სამუშაო ჯგუფი, რომელიც ამ ტიპის არჩევნებისთვის სპეციალურ კანონპროექტს ამუშავებს“, – აღნიშნა სტეფანჩუკმა.
რაც შეეხება უშუალოდ არჩევნების უახლოეს პერიოდში ჩატარებას, პარლამენტის სპიკერმა ხაზგასმით აღნიშნა, რომ არსებული რეალობის გათვალისწინებით – განსაკუთრებით ბოლო ღამეების მოვლენების ფონზე – ეს ყველასთვის ნათელია.
მისი თქმით, საომარი მდგომარეობის დროს არჩევნების ჩატარება სრულიად შეუძლებელი, არამიზანშეწონილი და უპასუხისმგებლო ნაბიჯია.