პრემიერმინისტრმა ჯანდაცვის მინისტრის პოსტზე ეკატერინე ტიკარაძე წარადგინა, რაც შეხეება სერგეენკოს ის მამუკა ბახტაძის მრჩევლის პოსტს დაიკავებს.
მანამდე დავით სერგეენკომ ჯანდაცვის მინისტრის თანამდებობიდან წასვლა დაადასტურა. სერგეენკომ ჯანდაცვა 2012 წელს ჩაიბარა და იუსტიციის მინისტრთან ერთად ის გამონაკლისია, რომელიც “ქართული ოცნების” ხელისუფლებაში მოსვლიდან დღემდე არ შეცვლილა. 2018 წელს შრომის, ჯანმრთელობისა და სოციალური დაცვის გარდა მას ოკუპირებული ტერიტორიებიდან დევნილთა პრობლემებზე ზრუნვაც დაევალა.
იმის გარდა, რომ მინისტრთა კაბინეტში ხანგრძლივად იმუშავა, სერგეენკო სხვადასხვა სოციოლოგიური კვლევების მიხედვით ყოველთვის პოზიტიურად ფასდებოდა, როგორც გაწეული სამუშაოს, ისე პერსონალური დამოკიდებულების მიმართულებით. მაგ: მიმდინარე წლის 21 მაისის NDI-ის გამოკითხვის შედეგებით, პოლიტიკოსების მიმართ განწყობის რეიტინგში ის თბილისის მერთან ერთად ლიდერობდა, 40 პროცენტით.
რაც შეეხება კატერინე ტიკარაძეს, ის 2015 წლის სექტემბრიდან საჩხერის რაიონული საავადმყოფოს დირექტორი იყო.