“ბატონ ნიკას შეუძლია საკუთარ თავს დააბრალოს ის შედეგები, რომელიც მივიღეთ” – ასე გამოეხმაურა საპარლამენტო უმრავლესობის ერთ-ერთი ლიდერი თამარ ჩუგოშვილი, სტრასბურგის სასამართლოს მიერ, “რუსთავი2”-ის საქმეზე მიღებულ გადაწყვეტილებას.
მისი თქმით, გამოქვეყნებულ დოკუმენტსა და თანდართულ განცხადებაში მკაფიოდ არის აღნიშნული გვარამიას დირექტორობის პერიოდში, მისი შეურაცხმყოფელი გამონათქვამები ქართველი მოსამართლეების მიმართ, რაც სტრასბურგის სასამართლოსთვის მეტად მტკივნეული და ამავდროულად წარმოუდგენელია ის თავდასხმები, რასაც ნიკა გვარამიას მხრიდან ჰქონდა ადგილი.
ჩუგოშვილის თქმითვე, ეს არის ჩვეულებრივი გადაწყვეტილება, რაზეც ისტერია და აგონია საჭირო არ არის გვარამიას და მისი თანამოაზრე პოლიტიკოსების მხრიდან, რომლებმაც საკუთარი თავის სრული დისკრედიტაცია მოახდინეს.