ლიბიაში საავადმყოფოს დაბომბვას 5 ექიმი ემსხვერპლა. ინფორმაციას ამის შესახებ BBC ავრცელებს.
ტრიპოლიში განხორციელებული საჰაერო იერიშისას სამედიცინო პერსონალის რვა თანამშრომელი დაშავდა. ცნობილია, რომ ბომბდამშენი გენერალ ხალიფა ჰაფტარს ეკუთვნის.
ლიბიელი ამბოხებულების არმიის გენერალმა ხალიფა ჰაფტარმა ქვეყნის დედაქალაქ ტრიპოლის შტურმით აღების ბრძანება 5 აპრილს გასცა.
2011 წელს მუამარ კადაფის გადაყენების შემდეგ, ლიბიაში ორი მმართველობა ჩამოყალიბდა. ტრიპოლის და ქვეყნის დასავლეთ მხარეს ხელისუფლება აკონტროლებს, რომელსაც მხარს უჭერს გაერო. აღმოსავლეთ ნაწილს და სამხრეთს 2014 წელს არჩეული „ტობრუკეს“ მთავრობა აკონტროლებს, რომელიც მხარს უჭერს ხალიფა ჰაფტარს და მის ჯარს.
კომენტარები