ამერიკული გამოცემა CNN Business ჰონგ-კონგში მიმდინარე მოვლენებზე ანალიტიკურ სტატიას აქვეყნებს. ბოლო 20 წლის მანძილზე ყველაზე სერიოზული პოლიტიკური კრიზისი ზეგავლენას ახდენს ეკონომიკაზე და საერთაშორისო ინვესტორების მხრიდან ნდობის შერყევას იწვევს – წერს CNN.
სტატიაში აღნიშნულია, რომ „აზიის ფინანსური ცენტრის მთავარმა ფინანსურმა წარმომადგენელმა პოლ ჩანმა კვირას განაცხადა, რომ ქალაქის მასობრივმა დემონსტრაციებმა დააზარალა ადგილობრივი ვაჭრები და „დისკომფორტი შეუქმნა ყველას, ვინც ჰონგ–კონგში იმყოფება.“
ამ “ინციდენტებმა … დააზიანა ჰონგ-კონგის საერთაშორისო იმიჯი და ბიზნეს გარემო”, – მიუთითა ჩანმა თავის ბლოგ-პოსტში. ”როგორც ჩანს, უცხოური კომპანიებისა და ტურისტებისთვის ჰონგ-კონგი ტურბულენტური და დაუცველი გახდა, რაც ზეგავლენას ახდენს მათ სურვილზე იმოგზაურონ ჰონგ–კონგში, აკეთონ აქ ბიზნესი და მოახდინონ ინვესტირება“.
„როგორც საცალო და კვების ობიექტების მრავალმა ოპერატორმა განაცხადა, ბოლო დროს ბიზნესის მოცულობა მნიშვნელოვნად შემცირდა“, – დასძინა მან.
ჩანის შენიშვნებმა გაიჟღერა კვირის ბოლოს გამართულ რიგით მერვე დემონსტრაციისას ქალაქში, რომელიც ტექნიკურად ჩინეთის ნაწილს წარმოადგენს, მაგრამ საკუთარი საპოლიციო ძალებით და სამართლებრივი სისტემით ფუნქციონირებს. დემონსტრანტები სხვადასხვა მხარეს დაიფანტნენ და ჩაკეტეს მთავარი გზები, რის შედეგადაც გაჩერდა ჰონგ–კონგის ცენტრალური უბანი და ნაადრევად დაიკეტა სავაჭრო ცენტრები და მაღაზიები.
საპროტესტო ტალღა გამოიწვია სადავო და ამჟამად უკვე შეჩერებული კანონპროექტისადმი წინააღმდეგობამ, რომელიც ჰონგ–კონგიდან ჩინეთში ექსტრადიციის შესაძლებლობას იძლეოდა. გაცილებით მეტი დემოკრატიის მოთხოვნებში პროტესტანტებმა შეიტანეს დამოუკიდებელი გამოძიების მოთხოვნა პოლიციის სისასტიკესთან დაკავშირებით და ქალაქის ლიდერის – კერი ლამის – გადადგომა.
კვირის ბოლოს განვითარებულმა მოვლენებმა ორშაბათს ადგილობრივი საფონდო ბაზარიც დააზარალა. ჰონგ–კონგის Hang Sengindex 1,6% -მდე დაეცა, თუმცა, ვაჭრობის დასრულებისას მან ზარალი 1% -ით შეამცირა.
აზიის სხვა ბაზრების მსგავსად, ინდექსი შემცირდა კვირის მანძილზე ვაჭრობისა და სხვა ეკონომიკური პოლიტიკის კუთხით არსებული გაურკვევლობის გამო; შიშები იმასთან დაკავშირებით, თუ როგორ შეიძლება მოახდინოს პროტესტმა ეკონომიკაზე ზეგავლენა, მშენებლების, სავაჭრო ცენტრების მფლობელებისა და საცალო მოვაჭრეების აქციებზეც აისახა.
დემონსტრაციების ბოლო რაუნდის შემდეგ ამერიკის სავაჭრო პალატამ ჰონგ–კონგში ორშაბათს მთავრობის ხელმძღვანელობას მოუწოდა აღადგინონ ბიზნესისადმი შესუსტებული ნდობა. პალატამ, ასევე, მოუწოდა მომიტინგეებს თავი შეიკავონ ძალადობისგან.
“AmCham-ი დაჟინებით მოუწოდებს მთავრობას თავიდან აიცილოს შემდგომი ზარალი და აჩვენოს მკაფიო ლიდერობა ჰონგ–კონგის მაცხოვრებლების მოლოდინის დაკმაყოფილებით და აღადგინოს ქალაქის საერთაშორისო რეპუტაცია ეფექტური მართვის კუთხით „ერთი ქვეყანა, ორი სისტემის“ ფარგლებში” – განაცხადა საკუთარ გამოსვლაში AmCham-ი ს პრეზიდენტმა ტარა ჯოზეფმა. მან იგულისხმა ის ფაქტი, რომ ქალაქს აქვს საკუთარი საპოლიციო ძალები და სამართლის სისტემა, რომლებიც გამოყოფილია კონტინენტური ჩინეთისგან.
ამასთან, ჯოსეფმა აღნიშნა, რომ AmCham–ის „უმრავლესობის“ მოსაზრებით მთავრობამ უნდა აღმოფხვრას „პროტესტების თავდაპირველი მიზეზი და არ მოახდინოს სოციალური არასტაბილურობის ბზარის დოკუმენტირება მართლწესრიგის პრობლემის მოკლევადიანი გადაწყვეტის გზით“
ორი თვის წინ დაწყებული საპროტესტო აქციების კვალდაკვალ, ქუჩებში გამოვიდა ასობით ათასი ადამიანი და ქალაქი დააბრუნეს სერიოზულ პოლიტიკურ აურზაურში, რომელსაც ადგილი ჰქონდა ჩინეთში 1997 წელს.
AmCham–ის წევრები, რომლებიც წარმოადგენენ ფინანსური მომსახურების, ტექნოლოგიებისა და სხვა სექტორებს, ვარაუდობენ, რომ ლემის მთავრობამ ოფიციალურად და მთლიანად უკან გაიხმო კანონპროექტი, რათა თავიდან აეცილებინათ საზოგადოების ყოველგვარი ეჭვი. ასევე, ბიზნეს–ჯგუფმა შესთავაზა მთავრობას დამოუკიდებელი გამოძიების ჩატარება კანონპროექტთან დაკავშირებული მღელვარებების ყველა ასპექტით, რათა აღდგენილიყო ნდობა ჰონგ–კონგის მიმართ.
ოთხშაბათს ქალაქმა უნდა წარმოადგინოს კვარტალური მონაცემები ეკონომიკური ზრდის შესახებ. ჰონგ–კონგის ეკონომიკა ნელი ტემპით ვითარდება 2009 წლის მსოფლიო ფინანსური კრიზისის შემდეგ, როდესაც შენელდა საცალო გაყიდვები, საწარმოო შეკვეთები და სახეზე იყო სავაჭრო დაძაბულობა შეერთებულ შტატებსა და ჩინეთს შორის.
ეკონომისტები აცხადებენ, რომ პროტესტებმა შესაძლებელია კიდევ უფრო გაამწვავონ არსებული პრობლემები.
ქალაქი „ძლიერ დაზარალდა ანტი-სამთავრობო საპროტესტო აქციების შედეგად . . . , რამაც შესაძლებელია კიდევ უფრო შეაფერხოს ზრდის ტემპი 0.6 %–ით“ დაწერა გასულ კვირას ეკონომისტმა პრაკაშ საქპალმა საკუთარ კვლევაში.
ზოგი კი ნაკლებ კავშირს ხედავენ საპროტესტო აქციებთან, კერძოდ, ჰანნა ანდერსონი – გლობალური საბაზრო სტრატეგი – აცხადებს, რომ კვირების მანძილზე მიმდინარე მასობრივი საპროტესტო აქციები ნაკლებად მოახდენს ზეგავლენას ქალაქის ეკონომიკურ ტრაექტორიაზე.
„იმ შემთხვევაშიც კი, თუ მაღაზიები იკეტება ადრე ან არ მუშაობენ მთელი დღის მანძილზე, იცვლება ამით საქონლის მოხმარება?“ ანდერსონმა აღნიშნა, რომ მოსახლეობამ არ შეწყვიტა საკვები პროდუქტის ან სხვა სახის პროდუქციის შეძენა, უბრალოდ, ისინი ამ ყველაფერს ყიდულობენ სხვადასხვა დღეებში.
თავად ქალაქი ცდილობს ინვესტორებისა და ტურისტების გადარწმუნებას. შაბათ-კვირას გამართულ საპროტესტო აქციებამდე, ვაჭრობისა და ეკონომიკური განვითარების მინისტრმა წერილობით მიმართა საკონსულოებსა და საერთაშორისო სავაჭრო პალატებს, რათა მათ წარმოეჩინათ ჰონგ–კონგი, როგორც „ინვესტორებისა და ვიზიტორებისადმი მეგობრული სტუმართმოყვარე ქალაქი და ასევე, უსაფრთხო ქალაქი მოგზაურთათვის’. “