ბარსელონის მერიამ ქალებს მუნიციპალურ აუზებში მკერდმოშიშვლებულად ცურვის ნებართვა მისცა. გარკვეული საზოგადოებრივი ორგანიზაციები ამას სქესობრივ დისკრიმინაციად აფასებდნენ, რადგან კაცებს საცურაო კოსტუმის ზედა ნაწილის ტარებას არავინ ავალდებულებს.
დისკრიმინაციასთან ბრძოლის ცენტრის ივნისში გამოქვეყნებული ანგარიშის თანახმად, რამდენიმე მუნიციპალურ აუზში ქალების უფლებების შემზღუდველი წესები მოქმედებდა. ამიტომ მერიამ მიიღო კანონი, რომელიც ყველა აუზს თანასწორობის გარანტიის დაცვას ავალდებულებს.
უწყებაში აცხადებენ, რომ ადგილობრივი კანონმდებლობა ქალებს მკერდმოშიშვლებულად ცურვას აქამდეც არ უკრძალავდა, მაგრამ ახალმა რეგულაციებმა ეს კიდევ ერთხელ დაადასტურა. შეტყობინება ახალი წესების შესახებ ქალაქის ყველა აუზში გაიგზავნა.
კომენტარები