ვლადიმერ პუტინის რეიტინგი რეკორდულად დაეცა. ახალ კვლევას „საზოგადოებრივი აზრის ფონდი“ აქვეყნებს. გამოკითხვების შედეგების თანახმად , ხვალ რომ საპრეზიდენტო არჩევნები იყოს, ვლადიმერ პუტინს ხმას ამომრჩეველთა 43 პროცენტი მისცემდა.
კვლევითი ცენტრის ინფორმაციით, ეს პუტინის 18-წლიანი მმართველობის განმავლობაში ყველაზე დაბალი მაჩვენებელია. ექსპერტების დაკვირვებით ირკვევა, რომ რუსეთის პრეზიდენტის რეიტინგმა ვარდნა მაისიდან დაიწყო, მაშინ მას მოსახლეობის 49 პროცენტი უჭერდა მხარს. თუმცა რეკორდული ვარდნა ბოლო სამი კვირის განმავლობაში დაფიქსირდა, ეს მას შემდეგ, რაც მოსკოვში ოპოზიციის აქციების დარბევები და მასობრივი დაპატიმრებები დაიწყო.
კვლევების შედეგების მიხედვით, გამოკითხულთა 27 პროცენტი მიიჩნევს, რომ პუტინი თავის მოვალეობებს თავს ვერ ართმევს, 36 პროცენტი კი პრეზიდენტს საერთოდ არ ენდობა.